Бүгін «Jamназия – балалық шақ мекені» мектеп жанындағы жазғы алаңында Саяхат күні өтті. Күннің барлық іс-шаралары жаңа жаңалықтарға, тың білім алуға және қоршаған әлеммен қызықты танысуға арналды.
Бірінші сынып оқушылары туған қаласы бойынша саяхатқа шықты. Балалар Қостанайдың көрікті жерлерін еске түсіріп, қызықты орындармен танысты және өз әсерлерімен бөлісті. Саяхаттың қорытындысы ретінде балалар туған қаланың сүйікті орындары мен ең жарқын сәттерін бейнелеген шығармашылық «Әсерлер галереясы» ұйымдастырылды.
Екінші сынып оқушылары виртуалды саяхат жасады. Олар әлемдегі ең танымал мұражайларға онлайн-экскурсияларға қатысып, бірегей жәдігерлермен танысты, тарих, мәдениет және өнер туралы көптеген жаңа мәліметтер алды. Сонымен қатар балалар шынайы және цифрлық ойындардың ерекшеліктерін талқылап, олардың артықшылықтарын салыстырды. Нәтижесінде заманауи технологиялар мен белсенді демалыс арасында тепе-теңдік сақтаудың маңыздылығын түсінді.
Бұл күн балаларға жарқын әсерлер, жаңа білім және қызықты жаңалықтар сыйлады. Өйткені әрбір саяхат – әлемге жаңаша көзқараспен қарауға, таным көкжиегін кеңейтуге және белгісіз дүниелерге қарай тағы бір қадам жасауға мүмкіндік береді.
