«Jamназия – балалық шақ мекені» мектеп жанындағы жазғы алаңында Мемлекеттік рәміздер күні жарқын әрі интерактивті түрде басталды. Қазақ тілі мұғалімдері балаларды жылы лебізбен қарсы алып, мемлекеттік тілді білуге байланысты қызықты ойындарға тартты. Алғашқы минуттардан-ақ балалар достық, туған мәдениетке құрмет және қазақ тілін үйренуге деген қызығушылық атмосферасына бөленді.
Күннің келесі кезеңі Қазақстан Республикасының мемлекеттік рәміздері туралы әңгімемен және Мемлекеттік Әнұранды салтанатты орындаумен жалғасты. Мұндай іс-шаралар өскелең ұрпақтың бойында патриоттық сезімді, ел тарихы мен дәстүрлеріне құрметті қалыптастырып, азаматтық жауапкершілік пен туған жеріне деген мақтаныш сезімін тәрбиелейді. Мемлекеттік рәміздер – ұлттық бірегейліктің маңызды бөлігі. Олар халықты біріктіріп, тәуелсіз Қазақстанның құндылықтарын дәріптейді.
Тақырыптық күннің жалғасы ретінде «Менің елімнің рәміздері» атты зияткерлік ойын өткізілді. Ойын барысында балалар Қазақстан Республикасының Мемлекеттік Туы, Елтаңбасы мен Әнұраны туралы білімдерін көрсетіп, өздерінің зеректігін, тапқырлығын және топпен жұмыс жасау дағдыларын танытты.
Мерекелік күннің жарқын қорытындысы Драма театрына бару болды. Өнермен қауышу балаларға жаңа әсерлер мен жағымды эмоциялар сыйлап, еліміздің мәдени мұрасын танудағы тағы бір маңызды қадамға айналды.
Бұл күн барлық қатысушыларға Отанға деген сүйіспеншілік оның тарихына, мәдениетіне, тіліне және мемлекеттік рәміздеріне құрмет көрсетуден басталатынын тағы бір рет еске салды.
