Білім министрлігі Білім беру ұйымдарына қабылдау ережелеріне өзгерістер енгізді (2026 жылғы 30 наурыздағы № 2-20-6/2297-И хаты).
2026 жылы бірінші сыныпқа қабылдау ел аймақтарында 27 мамырдан бастап кезең-кезеңімен жүзеге асырылады. Бұл шешім электрондық үкімет порталы egov.kz-ке түсетін жүктемені азайту үшін қабылданды.
Қостанай облысында бірінші сыныпқа қабылдау Павлодар, Атырау облыстарымен және Алматы, Шымкент қалаларымен бірге 18-28 маусым аралығында өтеді. Сондай-ақ, қандай да бір себептермен маусым айында құжаттарын тапсыра алмайтын барлық ата-аналар үшін 11 шілдеден 31 тамызға дейін өтеді.
ҚР «Білім туралы» Заңына сәйкес, балалар білім деңгейіне қарамастан, ата-аналарының өтініші бойынша 6 жасында бірінші сыныпқа барады.
Қазақстан азаматтарының порталы арқылы мектепке қабылдау үшін қажетті құжаттар тізімі:
1) Ата-аналардың немесе басқа заңды қамқоршылардың өтініші (автоматты түрде жасалады);
2) № 065/у нысаны бойынша профилактикалық егу картасы
3) № 052-2/у баланың денсаулық паспорты;
4) 3x4 см өлшемді екі фотосурет.
Егер балаға арнайы инклюзивті жағдайлар қажет болса, психологиялық, медициналық және педагогикалық комиссияның қорытындысы қажет.
Өтініштер дүйсенбіден жұмаға дейін, демалыс және мереке күндерін қоспағанда, қабылданады.
